Agnes Paston to William Paston, AD 1436/40

Display:

To my worshepefull housbond, W. Paston, be this letter takyn

Dere housbond, I recomaunde me to yow, &c. Blessyd be God I sende yow gode tydynggs of the comyng, and the brynggyn hoom, of the gentylwomman, shortly afterwards married to John Paston, Esq. that ye wetyn of fro Redham, this same nyght, acordyng to poyntmen that ye made ther for yowr self.

And as for the furste aqweyntaunce be twhen John Paston and the seyde gentylwomman, she made hym gentil cher in gyntyl wise, and seyde, he was verrayly your son. And so I hope ther shall nede no gret trete be twyxe hym.

The parson of Stocton toold me, yif ye wolde byin her a goune, here moder wolde yeve ther to a godely furre. The goune nedyth for to be had; and of colour it wolde be a godely blew, or erlys a bryghte sangueyn.

I prey yow do byen for me ij. pypys of gold, Your stewes do weel.

The Holy Trinite have you in governaunce.

Wretyn at Paston, in hast, the Wednesday next after Deus qui errantibus, for defaute of a good secretarye. Yowres,

AGN. PASTON.

Back to the letter list