Margaret Paston to John Paston, 6th July 1453

Display:
376

To my ritht worchipfull Mayster John Paston, be þis deliveryd in hast.

Rytht worchipfull hosbond, I recommawnd me to yow, praying yow to wete þat I have spoke with Newman for his place, and I am thorow with hym therfor, but he wold not lete it in no wyse lesse than v. marc. I told hym þat sekyrly ye shuld not know but þat I hyrid it of hym for iij li. I seyd as for þe noble,] I shuld payt of myn owyn purse, þat ye shuld no knowlech have therof. And þis day I have had inne ij. cartfull of hey, and your stabyl shall be made I hope þis next weke. I kowd not gette no grawnt of hym to have þe warehows; he seyth if he may in any wyse forber itt her after, ye shall have itt, but he wull not grawnt itt in no convawt . He hath grawntyd me þe hows be twix þe vowte and þe warehows, and þat he seyd he grawntyd not yow.

And as for þe chamer þat ye assygnyd to myn unkyl, God hath purveyd for hym as hys will is; he passyd to God on Monday last past, at xj. of þe clok befor none, and Sir John Hevenynghamþe Pastons. passyd to God on Tewysday last past; hois sowlys both God assoyle. His sekenesse toke hym on Tewysday, at ix. of þe clok befor none, and be too after none he was dedd.

I have begonne your inventare þat shuld have be made or þis tym, if I had ben well at ease. I hope to make an ende therof, and of other thyngs both þis next weke, and ben in þat other place, if God send me helth. I must do purvey for meche stuff or I come ther, for ther is nother bords ne other stuff þat must neds be had or we come there. And Richard hath gadderid butt lytill mony syth he come from yow. I have sent John Norwod þis day to Gresham, Besigham, and Matelask to gete als meche mony as he may.

þe blissid Trinyté have yow in his keping. Wretyn at Norwych, on þe vtas day of Peter and Powll.

Yowrs,

M. P.

Gairdner's comment regarding the rent: "A noble was a coin of the value of 6s. 8d. A mark was 13s. 4d. Five marks therefore were equal to £3, 6s. 8d.; but Margaret said she would pay the od commentsd noble, or 6s. 8d., out of her own purse, and not let Paston know but that he had the place for £3. A little artifice for accepting terms which she had doubtless told Newman her husband could never agree to."

Back to previous page